Suriyada jang qilgan va sudga tortiladigan rossiyalik generalning qanday hayot kechirgani aytildi

Suriyadagi mojaroda ishtirok etayotgan tomonlarni yarashtirish markazi sobiq rahbari, general-leytenant Sergey Chvarkovning advokati so‘zlariga ko‘ra, u firibgarlik haqidagi ayblovlarga qaramay, «juda kamtarona hayot kechiradi». Bu haqda RIA «Novosti» xabar bermoqda.

«General-leytenant Chvarkovning davlatini tekshirish shuni ko‘rsatdiki, unda hech qanday uylar, yer uchastkalari, yaxtalar, oltin yombilari, qimmatbaho soatlar yo‘qdir, shuningdek, u suratlar kolleksiyasiga ham egalik qilmaydi», - deydi advokat Pavel Lapshov.

Shuningdek, uning ta'kidlashicha, general oilasining daromadlari to‘g‘risidagi deklaratsiya ham hech qanday ma'lumot bermadi, chunki uning oilasi davlat nafaqasi hisobidan yashaydi.

«Qimmatbaho mashinalar ham yo‘q. U va uning oilasida aniqlanmagan hisoblardan maxfiy omonatlar ham topilmadi, generalga qandaydir foyda berishga uringan «noma'lum» shaxslar ham aniqlanmadi», - deya qayd etib o‘tdi Lapshov.

Shuningdek, uning ta'kidlashicha, generalning turmush o‘rtog‘i nevropatolog vrach bo‘lib ishlaydi va davlatdan yordam oladi.

Eslatib o‘tamiz, avvalroq Sergey Chvarkov sudga tortilishi xabar berilgandi.