O‘zbekiston chempionatida beshinchi marotaba legioner futbolchi to‘purar bo‘ldi

Superliganing so‘nggi turida «Paxtakor» «Bunyodkor»ni 4:0 hisobida mag‘lub etdi. Derbidagi dastlabki uchta golga mezbonlar hujumchisi Tiago Bezerra mualliflik qildi.

Natijada braziliyalik legioner chempionatning bu mavsumidagi gollari sonini 17taga yetkazib, to‘purarlar poygasida g‘olib chiqdi. 31 yoshli hujumchi bu borada jamoadoshi Ismoil Gonsalveshni bitta golga ortda qoldirdi. Yuqori uchlikni esa «Lokomotiv»ning 14ta to‘p kiritgan hujumchisi Marat Bikmayev yakunlab berdi (u o‘tgan mavsum 27ta gol bilan to‘purar bo‘lgandi).

Bezerra O‘zbekiston chempionatining 27 yillik tarixidagi oltinchi xorijlik to‘purar bo‘ldi. Bunga qadar 2009 yilda Rivaldo (Braziliya, 20ta gol), 2011 yili Milosh Trifunovich (Serbiya, 17), 2013 yil Aleksandr Pishur (Ukraina, 19) va 2014 yilda Artur Gevorkyan (Turkmaniston, 18) barchadan ko‘p gol urishning uddasidan chiqqan.