Suv ta'minoti va kanalizatsiya xizmatlarini ko‘rsatish sohasida kadrlar tayyorlovchi xorijiy OTMlarning filiallari ochiladi

O‘zbekiston Respublikasi Prezidentining «O‘zbekiston Respublikasida ichimlik suvi ta'minoti va kanalizatsiya tizimlarini rivojlantirish bo‘yicha qo‘shimcha chora-tadbirlar to‘g‘risida»gi qarori qabul qilindi.

Prezident qarorida O‘zbekiston Respublikasi Oliy va o‘rta maxsus ta'lim vazirligi, Bandlik va mehnat munosabatlari vazirligi, Qurilish vazirligi, Qoraqalpog‘iston Respublikasi Vazirlar Kengashi, viloyatlar hamda Toshkent shahar hokimliklari bilan birgalikda uch oy muddatda suv ta'minoti va kanalizatsiya korxonalarining kadrlarini tayyorlash, qayta tayyorlash hamda ularning malakasini oshirish tizimini takomillashtirish, shuningdek, suv ta'minoti va kanalizatsiya xizmatlarini ko‘rsatish sohasida kadrlar tayyorlashga ixtisoslashtirilgan xorijiy oliy ta'lim muassasalarining filiallarini (qo‘shma fakultetlar) ochish to‘g‘risidagi takliflarni O‘zbekiston Respublikasi Vazirlar Mahkamasiga kiritishi belgilanmoqda.