“Tolibon” harakati jangarilari Afg‘oniston shimolida kamida 40 fuqaroni o‘g‘irlab ketishdi. Bu haqda Tolo News telekanali ma'lum qildi.
Samangan viloyati vakili Muhammad Munir Rahimiyning aytishicha, hujum 2 dekabr ertalab Daryosuf tumanidagi qishloqda yuz bergan. Rahimiy garovga olingan odamlarni qutqarish bo‘yicha operatsiya olib borilayotganini ma'lum qilgan.
Telekanalning ma'lum qilishicha, bu yo‘l orqali yuk mashinalarida Daryosufdagi konlardan Afg‘onistonning turli shaharlaridagi bozorlarga ko‘mir tashiladi.
27 noyabrda “Pajvak” axborot agentligi toliblar Afg‘oniston shimolida 25 kishini o‘g‘irlab ketganini ma'lum qilgandi. Odamlar Sari-Pul-Balx magistralida ikkita transport vositasida bo‘lgan. Politsiyaning ma'lum qilishicha, o‘g‘irlangan odamlarning hozirgi taqdiri noma'lumligicha qolmoqda.
