451 mln so‘mlik aldov. Toshkentda fuqaroni uy sotish bahonasida «uxlatib» ketishdi

Toshkent shahrining Chilonzor tumanida 18 dekabr kuni tuman prokuraturasidan tushgan hujjatlarga ko‘ra, unda 2017 yil 1 iyun kuni Chilonzor 5-dahada yashovchi B.M. tanishi G.Z. (ayol)ning uyida unga Yakkasaroy tumanida joylashgan ko‘p qavatli uylardan xonadon olib berishlikni aytgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs aldov yo‘li bilan undan 451 mln so‘m pullarini olib, va'dasini bajarmay pullarni o‘z ehtiyojlari yo‘lida ishlatib yuborgan.

B.M. qo‘lga olingan. Holat yuzasidan jinoyat ishi qo‘zg‘atilib, tergov harakatlari olib borilmoqda.