34 mln so‘mlik zargarlik buyumlarini o‘g‘irlagan ayol qo‘lga olindi

Shu yilning 8 noyabr kuni fuqaro Sh.T. (ayol) Buxoro shahar IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

U joriy yilning 28 oktabr kunidan 7 noyabr kunigacha bo‘lgan vaqt oralig‘ida noma'lum shaxs uyiga kirib, u yerdan umumiy qiymati 34 mln 500 ming so‘m bo‘lgan 14 turdagi zargarlik buyumlarini o‘g‘irlab ketganligini ma'lum qilgan.

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Buxoro tumani Ko‘chko‘mar mahallasida yashovchi Sh.T. (ayol) sodir etganligi aniqlanib, ushlangan. 

Tergov davom etmoqda, deyiladi xabarda.