Foto: AFP
Filippinga yopirilgan “Usmon” tropik depressiyasi (dovul kuchiga yetmagan siklon) qurbonlari soni 75 nafarga yetdi. Bu haqda 1 yanvarda mamlakatning fojialar oqibatlarini kamaytirish milliy kengashida ma'lum qilindi. Bundan tashqari, 16 kishi bedarak yo‘qolgan, deb hisoblanmoqda.
Tabiiy ofat 41 binoni vayron qilgan, 28 tasiga shikast yetkazgan. 100 dan ko‘proq tuman suv ostida qolgan, 40 dan ko‘proq avtomobil yo‘li yuvilib ketilgan. Bikol viloyatiga eng katta talofat yetgan.
Tabiiy ofat Filippinda 29 dekabrdan beri davom etmoqda, u ko‘plab ko‘chkilar keltirib chiqargan.
