Ispaniya politsiyasi Yevropa Ittifoqi hududiga matraslar ichida yashiringan holda o‘tishga harakat qilgan ikki nafar afrikalik noqonuniy muhojirni qo‘lga oldi.
Ispaniyalik senator Jon Inyarritu tvitterda joylashtirgan videoda politsiyachilar avtomobil ustiga ortilgan matraslarni yerga ehtiyotkorlik bilan tushirayotganlarini ko‘rish mumkin. Shundan keyin politsiyachilardan biri matras qoplamasini pichoq bilan qirqa boshlaydi va matras ichida yotgan muhojirni aniqlaydi.
Muhojirlarning bu vaqtdagi yuz ifodalariga ko‘ra, ular “ayyor” rejalarining fosh bo‘lganidan juda hayratlanishgan.
