«Barselona» yangi transfer bo‘yicha kelishuvga erishdi

«Tuluza» himoyachisi Jan-Kler Todibo «Barselona» a'zosiga aylanadi.

Diario Sport xabariga ko‘ra, katalonlar klubi 19 yoshli fransuz bilan kelishuvga erishgan. Futbolchi mavsum yakunida jamoasi bilan shartnomasi muddati yakunlangach, erkin agent sifatida «Barselona» safiga qo‘shiladi.

Todibo katalonlar bilan 4 yillik shartnoma bo‘yicha kelishuvga erishgan. U keyingi mavsum arafasida jamoa bilan birga mashg‘ulotlar boshlaydi.

Qayd etilishicha, ushbu transfer «Barselona» sport direktori Erik Abidal tashabbusi hisoblanadi.

Xabarda aytilishicha, «Barselona» Todibo uchun raqobatda «Yuventus» va «Napoli»ni ortda qoldirdi.