«Барселона» янги трансфер бўйича келишувга эришди

«Тулуза» ҳимоячиси Жан-Клер Тодибо «Барселона» аъзосига айланади.

Diario Sport хабарига кўра, каталонлар клуби 19 ёшли француз билан келишувга эришган. Футболчи мавсум якунида жамоаси билан шартномаси муддати якунлангач, эркин агент сифатида «Барселона» сафига қўшилади.

Тодибо каталонлар билан 4 йиллик шартнома бўйича келишувга эришган. У кейинги мавсум арафасида жамоа билан бирга машғулотлар бошлайди.

Қайд этилишича, ушбу трансфер «Барселона» спорт директори Эрик Абидаль ташаббуси ҳисобланади.

Хабарда айтилишича, «Барселона» Тодибо учун рақобатда «Ювентус» ва «Наполи»ни ортда қолдирди.