07:37 / 06.01.2019
7203

Peru va Braziliya chegarasida kuchli zilzila qayd etildi

Peruning Braziliya bilan chegaradosh Purus viloyatida 7,2 magnitudali kuchli zilzila qayd etildi. Bu haqda Peru geofizika instituti ma'lum qildi.

Yer silkinishlari mahalliy vaqt bilan soat 14.25 da (Toshkent vaqti bilan 6 yanvar soat 00.25) 598 km chuqurlikda qayd qilingan, unga 4-daraja berilgan. Bu ko‘pchilik odamlar zilzilani sezganliklarini anglatadi. Bunda devor va oynalar go‘yoki katta yuk mashinasi yonidan o‘tib ketgandek titrab shovqin chiqargan bo‘lishi mumkin. 

AQSh geologik xizmati xuddi shu vaqtda Braziliyada 6,8 magnitudali zilzila bo‘lganini ma'lum qilgan. Zilzila markazi Tarauaka munitsipalitetidan 89 km g‘arbroqda, o‘chog‘i esa 575 km chuqurlikda bo‘lgan.

Ayni vaqtda talofatlar yoki jabrlanganlar haqida ma'lumot berilmagan.

 

Mavzuga oid
Top