Bosh prokuratura: firibgarlik bilan shug‘ullangan shaxsga nisbatan jinoyat ishi qo‘zg‘atildi

Illyustrativ foto

Departamentning Toshkent shahar boshqarmasi xodimlari tomonidan DXX xodimlari bilan hamkorlikda fuqaro X.ning arizasiga asosan tezkor tadbir o‘tkazildi. Bu haqda Bosh prokuratura matbuot xizmati xabar bermoqda.

Unda fuqaro V.N. fuqaro X.ni Janubiy Koreya davlatiga ishlashga borishi uchun koreys tili bo‘yicha o‘tkaziladigan sinov imtihonidan o‘zining yuqori lavozimlarda ishlovchi tanishlari orqali o‘tkazib berishi evaziga 5000 AQSh dollarini pora tariqasida olgan vaqtda ashyoviy dalillar bilan ushlangan.

Mazkur holat yuzasidan fuqaro V.N.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.