2019 yil 1 fevral kuni soat 21.30larda Toshkent viloyatining Pskent tumani Maylobod mahallasida yashovchi O.F. mast holda Oybek mahallasi hududida joylashgan “Anor” choyxonasi oldida qarovsiz qoldirilgan Mitan mahallasida yashovchi Sh.D.ga tegishli “VAZ-2106” rusumli avtomashinani haydab qochgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, natijada A.Temur ko‘chasida ushbu avtomashina boshqaruvini eplay olmay, qarama-qarshi yo‘nalishga chiqib ketgan va fuqaro M.A. boshqaruvidagi boshqa bir “Nexia” rusumli avtomashinasi bilan to‘qnashuv sodir etgan.
Ko‘rilgan choralar natijasida O.F. qo‘lga olingan. Holat yuzasidan jinoyat ishi qo‘zg‘atilib, tergov harakatlari olib borilmoqda.
