Qashqadaryo viloyatida 3ta OTM filiali ish boshlashi kutilmoqda

Qarshi va Shahrisabz shaharlarida Respublikaning yetakchi oliy ta'lim muassasalari filiallari faoliyati yo‘lga qo‘yiladi. Bu haqda Oliy va o‘rta maxsus ta'lim vazirligi axborot xizmati xabar bermoqda. 

Ma'lum qilinishicha, 2019/2020-o‘quv yilidan: 

* Toshkent irrigatsiya va qishloq xo‘jaligini mexanizatsiyalash muhandislari institutining Qarshi;

* Toshkent davlat pedagogika universitetining Shahrisabz;

* Toshkent kimyo-texnologiya institutining Shahrisabz filiallari talabalarni o‘qitishni boshlaydi.

Avvalroq,  Toshkent shahri va Toshkent viloyatining huquqbuzarliklar profilaktikasi va jamoat xavfsizligini ta'minlash sohasida yuridik kadrlar tayyorlash va qayta tayyorlash bo‘yicha Toshkent davlat yuridik universitetining Ixtisoslashtirilgan filialini tashkil etilishi ma'lum qilingandi.