Rustam Sa'diyev «Baron» filmi uchun muddatini o‘tayotgan narkobaronlar bilan uchrashganini aytdi

So‘nggi yillarda O‘zbekiston kinosanoatida davlat buyurtmasiga binoan tarixiy, vatanparvarlik va xavfsizlik mavzusidagi filmlarning soni ko‘paymoqda. Kinosanoatning xususiy filmlar yo‘nalishida tanilgan bir qator rejissyorlar bugungi kunga kelib davlat buyurtmasiga binoan ham filmlar suratga olishmoqda.

Rejissyor Rustam Sa'diyev Kun.uz muxbiri bilan suhbatda «Baron» filmini ishlashdan oldin kechgan jarayon to‘g‘risida so‘zladi va maxsus xizmat vakillari uni narkobiznes vakillari bilan uchrashtirishganini aytib o‘tdi.

«Sotqin» filmi «Baron»ning birinchi qismi suratga olinishiga sabab bo‘ldi, desam mubolag‘a bo‘lmaydi. «Sotqin» filmi ommalashganidan keyin maxsus xizmatlarda ishlaydigan «ko‘rinmas soha» vakillarimiz – Mafkura bo‘limi mutaxassislari yana hamkorlikda ishlashni taklif qilishdi. «Baron» filmining asosiy g‘oyasi ular tomonidan ilgari surilgan.

«Baron» filmi men uchun ham kutilmagan kinoasar bo‘lgan. Moslashib olishim qiyin kechgan. Qamoqda muddatini o‘tayotgan haqiqiy narkobaronlar bilan ham uchrashtirib, ularning maqsadi, niyati va tabiatini o‘rganish uchun suhbatlashtirishgan.

Rustam Sa'diyev bilan suhbatning to‘liq shaklini Kun.uz’ning YouTube va Mover’dagi sahifalarida tomosha qilishingiz mumkin.

Video: Mover (tas-ix)

Video: Youtube