Toshkentda «Yo‘l posboni» jamoatchilik tuzilmasi safi kengaymoqda

Yo‘l harakatidagi xavfsizlik – harakatning har bir ishtirokchisiga bog‘liqdir. Jamiyat vakillarining yo‘l harakati qoidalari buzilishiga befarq bo‘lmasliklari, yo‘llardagi tartib darajasi oshishiga sabab bo‘lishi mumkin, deb xabar bermoqda Toshkent shahar Yo‘l harakati xavfsizligi boshqarmasi.

Qayd etilishicha, “Toshshahartransxizmat” AJ majlislar zalida o‘tkazilgan yig‘ilishda shu haqda suhbat olib borilib, “Yo‘l posboni” jamoatchilik tuzilmasining eng faol va fidoyi 9 nafar a'zosiga poytaxt IIBB YHXB rahbariyati tomonidan rasman “Yo‘l posboni” guvohnomasi hamda maxsus kamzullar (jilet) topshirildi.

“Yo‘l posboni” jamoatchilik tuzilmasi O‘zbekiston Respublikasi IIVning buyrug‘i asosida tashkil etilib, yo‘l harakati xavfsizligi xizmatiga ko‘mak sifatida faoliyat olib borishi ko‘zda tutilgan.