​AQSh va Rossiya rasmiy vakillari Venesuela masalasida uchrashadi

AQShning Venesuela bo‘yicha maxsus vakili Elliot Abrams va Rossiya Tashqi ishlar vaziri o‘rinbosari Sergey Ryabkov 19 mart kuni Rimda uchrashadi. Tomonlar aynan Venesuela masalasini muhokama etishi kutilmoqda, deb xabar bermoqda TASS. 

«Bu rejalashtirilgan uchrashuv bo‘lib, tasodifan paydo bo‘lmadi», — deya diplomat so‘zlarini keltirgan TASS. 

Agentlik xabariga ko‘ra, Ryabkov Karakas ishida AQShning​ mamlakat ichki ishlariga harbiy yo‘l bilan aralashuvi hamda legitim hokimiyatni ag‘darishga yo‘l ochuvchi har qanday noqonuniy harakatdan qaytarishga bel bog‘lagani aytilmoqda. 

Venesuelaning Meganalisis kompaniyasi o‘tkazgan so‘rovnoma natijasiga ko‘ra, Bolivar Respublikasida 88,9 foiz aholi Nikolas Maduroni prezidentlikdan ketishini istaydi. 

So‘rovnoma respondentlarining 63,3 foizi Xuan Guaydoni mamlakat yetakchisi sifatida ko‘rayotganini bildirgan.