6 yoshli chechenistonlik Rahim Kuriyev navbatdagi rekordini o‘rnatdi
6 yoshli chechenistonlik Rahim Kuriyev navbatdagi rekordini o‘rnatdi. U bu galgi rekordida bruslarga qo‘llarda tayangan holda gavdani 330 marta tushirib-ko‘tara olgan.
Bu yangi jahon rekordi bo‘lib, Rossiya rekordlar kitobiga kiritildi. Uni shu munosabat bilan Grozniyga ataylab uchib kelgan nashrning bosh muharriri Stanislav Konenko qayd qilgan.
Rahim 2018 yil noyabrda 5 yoshida yerga qo‘llarda tayangan holda gavdani tushirib-ko‘tarish mashqi bo‘yicha rekord o‘rnatgandi. U 2,5 soat davomida, tanaffus qilmay gavdani 4105 marta tushirib-ko‘tara olgan. O‘shanda bolakay o‘z rekordini Checheniston rahbari Ramzon Qodirovga bag‘ishlagan.
Qodirov o‘z navbatida sportdagi yutuqlar uchun Rahimning otasiga Mercedes avtomobilini, bolakayga esa “Chechenistonning faxriy fuqarosi” unvonini bergan.
Bolaning otasi va murabbiyi Zelim Kuriyevning aytishicha, o‘g‘li sportga ilk qadamlarini tashlagan paytlaridayoq qiziqa boshlagan va 3 yoshida 100 marta qo‘llarga tayangan holda gavdani tushirib-ko‘tara olgan. Keyinroq Rahim maxsus dastur yordamida uydagi sportzalda mashq qila boshlagan.
Mavzuga oid
21:22 / 19.09.2024
Checheniston sobiq bosh vaziri maktablarda Darvin nazariyasini taqiqlashni talab qildi
15:20 / 17.09.2024
Yaponiyalik ayol dunyodagi eng keksa odam deb topildi
16:54 / 02.09.2024
«Siz va bolalaringiz mamlakatga nega keraksizlar?» - Apti Alaudinov qanday qilib Kreml ovoziga aylandi
22:11 / 13.08.2024