Qirg‘iziston fuqarolari Putinning Bishkekka tashrifi arafasida «migratsiya amnistiyasi»ni olishadi

Qirg‘iziston fuqarolari uchun Rossiyada «migratsiya amnistiyasi» yuz beradi. Bu haqda 22 mart kuni mamlakat Tashqi ishlar vazirligi matbuot xizmati xabar qilgan.

«Migratsiya amnistiyasi» davrida Rossiyada Rossiya Federatsiyasi migratsiya qonunchiligini buzgan holda bo‘lib turgan Qirg‘iziston fuqarolariga 2019 yil 22 apreliga qadar Rossiyadan erkin tarzda chiqib ketish va Rossiya Federatsiyasi hududiga (istalgan vaqtda) ma'muriy javobgarlikka tortilmagan holda kirib borish huquqi beriladi.

Rossiya prezidenti Vladimir Putinning Qirg‘izistonga davlat tashrifi arafasida Qirg‘iziston-Rossiya kelishuvlarini amalga oshirish doirasida Rossiya tomoni Qirg‘iziston fuqarolari uchun «migratsiya amnistiyasi»ni taqdim etishga qaror qildi.

Bundan oldin, Tojikiston - Qirg‘iziston chegarasida vaziyat keskinlashgani xabar berilgandi.