Portugaliyalik mutaxassis Joze Mourino fikriga ko‘ra, Chempionlar Ligasi finaliga «Barselona» va «Yuventus» klublari chiqadi.
«Hamma Krishtianu Ronaldu va Messi haqida gapirmoqda, biroq men «Yuventus» va «Barselona»ni tilga olgan bo‘lardim. Bilaman, hamma e'tiborini kuchli futbolchilarga qaratadi, ammo murabbiy sifatida futbolni jamoaviy sport deb bilaman.
«Barselona» va «Yuventus» – Chempionlar Ligasi finaliga chiqishga asosiy da'vogardir. Shaxsan o‘zim ingliz klublari, «Ayaks» va «Portu»ni kuzatib bormoqchiman.
«Barselona» va «Yuventus»da tajribali, iqtidorli va o‘zgacha futbolchilar bor. Odatda, jamoada o‘zgacha futbolchi bo‘lsa, u yanada yaxshilanadi», – deb Mourino so‘zlarini keltirmoqda AFP.
