Navoiyda ayol kishi turmush o‘rtog‘ining umriga zomin bo‘ldi

Illyustrativ foto

2019 yil 3 aprel kuni Navoiy viloyatining Xatirchi tumanida yashovchi G.N. (ayol) uyida oilaviy janjal oqibatida mast holda bo‘lgan turmush o‘rtog‘i B.N.ning qorniga pichoq bilan urib, jarohat yetkazgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, natijada B.N. kasalxonaga yotqizilib, ko‘rsatilgan tibbiy muolajalarga qaramay vafot etgan.

Qayd etilishicha, holat yuzasidan jinoyat ishi qo‘zg‘atilib, ayol qo‘lga olingan.

Tergov harakatlari olib borilmoqda, deyiladi xabarda.