Qozog‘istonda o‘tadigan Yevrosiyo davlatlari parlament spikerlari majlisida 60 mamlakat ishtirok etishini tasdiqladi

Oltmishta mamlakat vakillari Qozog‘iston poytaxti Nur-Sultonda bo‘lib o‘tadigan Yevrosiyo davlatlari parlament spikerlarining to‘rtinchi majlisida ishtirok etishini tasdiqladi. Bu haqda Qozog‘iston parlamenti raisi Nurlan Nigmatulin ma'lum qildi.

"Biz 84 davlatga taklifnoma jo‘natdik. Bugungi kunga 60 davlatdan tasdiq oldik", - dedi Nigmatulin.

Bundan tashqari, 16ta xalqaro tashkilot ham majlisda ishtirok etishga rozilik bergan.

Yevrosiyo davlatlari parlament spikerlarining uchinchi majlisi 2018 yil oktyabrda Antalyada bo‘lib o‘tgandi. Unda 40dan ortiq mamlakat vakillari qatnashgan.