Yaponiyada kirish-chiqish joylari bo‘lmagan antiqa stansiya ochildi

Yaponiya janubida faqatgina tomosha maydonchasi sifatida xizmat qiluvchi antiqa temir yo‘l stansiyasi ochildi. Stansiya  Xonsyu orolidagi Nishikigava Seyriu yo‘nalishida joylashgan.

Stansiya ko‘prik ustida joylashgan bo‘lib, Seiryu-Miharashi deb ataladi hamda kirish joyiga ham, chiqish joyiga ham ega emas. Stansiyada faqatgina kichik platforma bo‘lib, unga kelgan poyezd orqali tushish mumkin. Stansiyadan keyingi kelgan poyezdlardagina ketish mumkin.

Stansiyada hattoki o‘rindiqlar ham bo‘lmay, sayyohlar keyingi poyezdni uzoq kutishlariga to‘g‘ri kelmaydi – bu yerdan har 10 daqiqa poyezd o‘tib turadi.

Sayyohlar stansiyadan Nishiki daryosi va atrofdagi o‘rmonga ochiladigan manzaralardan bahramand bo‘lishlari mumkin.

Stansiya bir oy oldin ochilgan va ijtimoiy tarmoqlar tufayli tanilib ketgan.