Saudiya Arabistonida terrorchilikda ayblangan 37 fuqaro qatl etildi 

Saudiya Arabistonida terrorchilikda aybdor deb topilgan 37 kishi qatl etildi. Bu haqda EuroNews telekanali xabar berdi.  

Qatl etilganlar ekstremistik g‘oyalarga amal qilish, terrorchilik bo‘linmalarini tashkil etish va dinlararo adovatni qo‘zg‘ashda aybdor deb topilganlar. Qatllar 23 aprelda Ar-Riyod, Madina, Makka va mamlakatning boshqa shaharlarida ijro etilgan.

“Ekstremist terrorchilar g‘oyalarini qabul qilish, korrupsiya va xavfsizlikka putur yetkazish hamda xaos va dinlararo adovatni qo‘zg‘ash maqsadida terrorchilik bo‘linmalarini shakllantirishda aybdor deb topilgan bir qator ayblanuvchilarga o‘lim jazosi qo‘llandi”, deb ma'lum qilingan xabarda.