Bojxonachilar Sergelidagi xonadonda 100 million so‘mlik sifati kafolatlanmagan mahsulot saqlanayotganligini fosh etishdi

Davlat bojxona qo‘mitasi Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan o‘tkazilgan tezkor tadbir natijasida sifati kafolatlanmagan biologik faol qo‘shimchalar saqlanayotgan xonadon fosh etildi.

Tadbirda Sergeli tumanida yashovchi fuqaro A.S.ning yashash xonadoni xolislar ishtirokida ko‘zdan kechirildi. Natijada, fuqaroning uyida xorijda ishlab chiqarilgan, hech qanday tegishli hujjatlari bo‘lmagan hamda davlat tilida markirovka qilinmagan qiymati 100,5 million so‘mlik 521 dona biologik faol qo‘shimchalar qayta sotish uchun qonunga xilof ravishda saqlanayotganligi aniqlandi.