Британия шаҳзодаси Гарри ва унинг рафиқаси Меган Маркл 6 майда туғилган илк фарзандларига Арчи Гаррисон деб исм қўйишди. Чақалоқнинг тўлиқ исми Арчи Гаррисон Маунтбеттен-Виндзор каби янграйди.

Букмекерлар ўғил чақалоққа Альберт, Артур ёки Александр деб исм қўйилишини прогноз қилишган. 

Шунингдек, шаҳзода ва унинг рафиқаси 8 май куни фарзандларини оммага кўрсатишди.

Чақалоқ 6 май куни Лондондаги Портленд шифохонасида дунёга келганди. 

Янги шаҳзода Британия тахти учун навбатда бобоси – шаҳзода Чарльз, амакиси – шаҳзода Уильям, унинг фарзандлари – шаҳзода Жорж, малика Шарлотта ва шаҳзода Луи ҳамда отаси – шаҳзода Гарридан кейин 7-ўринни эгаллайди.