Tramp Oq uyda iftorlik o‘tkazdi (video)

AQSh prezidenti Donald Tramp 13 may kuni Oq uyda iftorlik o‘tkazdi. Bu haqda Global News nashri xabar berdi.

Iftorlikka asosan bir qator islom davlatlari diplomatik missiyalari rahbarlari taklif etilgan. Jumladan, iftorlikda Saudiya Arabistoni, Iordaniya, Misr, Turkiya, BAA, Tunis, Iroq, Qatar, Bahrayn, Marokash, Jazoir va Liviya elchilari ishtirok etgan.

Biroq iftorlik AQSh musulmon jamoalari vakillarisiz o‘tgan. Tramp tadbir davomida qisqa nutq so‘zlab, islom olamini muqaddas Ramazon oyi bilan muborakbod etgan.

“Ramazon AQSh va butun dunyo musulmonlari uchun muqaddas oydir”, deb aytgan AQSh prezidenti.

{Yii::t(}

O'tkazib yuborish 6s

AQSh yetakchisi 2017 yilda Oq uyda Ramazon oyi yakunlanishi munosabati bilan o‘tkaziladigan har yillik tadbir tashkil etilmagani uchun tanqidga uchragach, qatorasiga ikkinchi yil iftorlik o‘tkazmoqda.

Ta'kidlanishicha, ayni vaqtda AQShda 4 mlnga yaqin musulmon yashaydi.

Tayyorlagan: Шуҳрат Раҳимов

#Oq uy #iftorlik #Donald Tramp