Foto: FC Barcelona
Niderlandiyaning «Groningen» klubi yarimhimoyachisi Lyudovit Reys «Barselona»ga o‘tdi.
Kataloniyaliklar sayti xabariga ko‘ra, uning transfer qiymati 3,25 million yevroni tashkil qildi. 18 yoshli futbolchi bilan 3 yillik shartnoma imzolandi, bunda uni yana 2 yilga uzaytirish bandi ham ko‘zda tutilgan. Tovon puli 100 million yevro qilib belgilandi.
Reys – kelib chiqishi slovakiyalik bo‘lib, «Groningen» tarbiyalanuvchisi hisoblanadi. Futbolchi 2017 yildan beri asosiy tarkibda o‘ynamoqda. Bu mavsumda Reys Niderlandiya chempionatida 31ta o‘yinda maydonga tushib, 1ta gol urgan.
