Фото: FC Barcelona
Нидерландиянинг «Гронинген» клуби яримҳимоячиси Людовит Рейс «Барселона»га ўтди.
Каталонияликлар сайти хабарига кўра, унинг трансфер қиймати 3,25 миллион еврони ташкил қилди. 18 ёшли футболчи билан 3 йиллик шартнома имзоланди, бунда уни яна 2 йилга узайтириш банди ҳам кўзда тутилган. Товон пули 100 миллион евро қилиб белгиланди.
Рейс – келиб чиқиши словакиялик бўлиб, «Гронинген» тарбияланувчиси ҳисобланади. Футболчи 2017 йилдан бери асосий таркибда ўйнамоқда. Бу мавсумда Рейс Нидерландия чемпионатида 31та ўйинда майдонга тушиб, 1та гол урган.
