9061 USD +179.00

10092.1 EUR +163.84

138.47 RUB +2.09

10926.7 GBP +151.91

11:40 / 02.06.2019 4198

Бўка туманида 5 ташаббусни жорий қилиш бўйича платформа яратилди

Фото: Президент матбуот хизмати

Бўка тумани марказида Маданият ва маърифат экопарки барпо этилди, деб хабар берди Ўзбекистон президенти матбуот хизмати. Хабарда айтилишича, экопарк Ўзбекистон раҳбари илгари сурган 5 та ташаббус доирасида ташкил этилди.

Президент ушбу истироҳат боғига ташриф буюриб, ёшлар учун яратилган шароитлар билан яқиндан танишди.

Таъкидланишича, бу ерда бешта ташаббуснинг барчаси мужассамлашган. Замонавий кутубхона ҳамда китоб ўқиш учун сокин жойлар, компьютер ўйинлари учун майдонлар, Wi-Fi ҳудудлари ташкил этилган. Ёпиқ амфитеатр, кафелар қурилган. Универсал спорт майдонида воркаут ва бадантарбия, мини футбол, бадминтон, стол тенниси ва бошқа спорт турлари билан шуғулланиш учун кенг шароит яратилган. Велосипед, самокат, скейтборд ва роликлар ижараси ҳам йўлга қўйилган. Мажмуа ҳар ойда ўртача 6 минг нафар йигит-қизни жалб қилиши мумкин.

Шавкат Мирзиёев боғдаги кутубхонани кириб кўрди.

“Ҳудудларга китоб етказиб бериш яхши. Лекин уларни ўқиш, ўқитиш етарли даражада эмас. Болаларимизни боғча ёшидан, бошланғич синфлардан кичик-кичик китобларга ўргатиш, шу орқали уларни китобсевар этиб улғайтириш зарур. Шундагина жамиятимизда китобхонлик муҳити шаклланади, бошқалар ҳам китоб ўқишга қайтади”, - деди Ўзбекистон президенти.

Ўзбекистон Миллий кутубхонаси билан ҳамкорликда илмий ёндашувлар асосида китоб ўқитиш методикаси ҳамда қайси ёшда қандай асарларни ўқиш бўйича тавсиялар ишлаб чиқиш зарурлиги таъкидланди. 

Боғда бутун йил давомида ранг-баранг маданий тадбирлар ва маҳаллалараро мусобақалар ўтказиш, ўқувчиларнинг ёзги таътилини мазмунли ташкил этиш бўйича топшириқлар берилди.

 

Top