Malta hukumati bortida migrantlar bo‘lgan kemaning portga kirishiga ruxsat bermadi

Malta hukumati bortida o‘nlab migrantlar bo‘lgan Alan Kurdi nemis qutqaruv kemasining portga kirishiga ruxsat bermadi. Bu haqda Bild xabar berdi.

Xabarga ko‘ra, Germaniyaning Sea-Eye nohukumat tashkilotiga qarashli kema 5 iyul kuni Liviyadan uzoq bo‘lmagan xalqaro suvlarda rezina qayiqda bo‘lgan 65 migrantni qutqargan.

Sea-Eye Malta hukumati o‘z qarorini o‘zgartirishiga umid qilmoqda.  

6 iyul kuni ham Sea-Eye tashkilotiga tegishli Alex kemasi migrantlarni taqiqlarga qaramasdan Italiyaning Lampeduza oroli portiga keltirgandi.