100 million so‘mlik televizorlarning noqonuniy aylanmasiga chek qo‘yildi

Bojxona xodimlari tomonidan sifati kafolatlanmagan maishiy texnika tovarlarining noqonuniy aylanmasiga chek qo‘yildi.

Jumladan, Davlat bojxona qo‘mitasi Kontrabanda va bojxona qonunchiligi buzilishiga qarshi kurashish boshqarmasi tomonidan Yashnobod tumanida tezkor tadbir o‘tkazildi. Bu haqda Davlat bojxona qo‘mitasi axborot xizmati xabar bermoqda

Tadbir davomida fuqarolar I.A. va I.M. boshqaruvida bo‘lgan “Changan” rusumli avtoulov belgilangan tartibda to‘xtatilib, xolislar ishtirokida tekshirildi.

Natijada, avtomashina yukxonasida tegishli hujjatlari bo‘lmagan umumiy qiymati 100 million so‘mdan ortiqni tashkil etuvchi 75 dona televizorlar borligi aniqlandi.

Hozirda yuqoridagi holat yuzasidan bojxona tekshiruvlari davom ettirilmoqda.