100 миллион сўмлик телевизорларнинг ноқонуний айланмасига чек қўйилди

Божхона ходимлари томонидан сифати кафолатланмаган маиший техника товарларининг ноқонуний айланмасига чек қўйилди.

Жумладан, Давлат божхона қўмитаси Контрабанда ва божхона қонунчилиги бузилишига қарши курашиш бошқармаси томонидан Яшнобод туманида тезкор тадбир ўтказилди. Бу ҳақда Давлат божхона қўмитаси ахборот хизмати хабар бермоқда

Тадбир давомида фуқаролар И.А. ва И.М. бошқарувида бўлган “Changan” русумли автоулов белгиланган тартибда тўхтатилиб, холислар иштирокида текширилди.

Натижада, автомашина юкхонасида тегишли ҳужжатлари бўлмаган умумий қиймати 100 миллион сўмдан ортиқни ташкил этувчи 75 дона телевизорлар борлиги аниқланди.

Ҳозирда юқоридаги ҳолат юзасидан божхона текширувлари давом эттирилмоқда.