22:21 / 28.07.2019
8910
Кобулда портлаш. Вице-президентликка номзод яраланди, 2 киши ҳалок бўлди
Фото: AFP

28 июль куни Афғонистон пойтахти Кобулда кучли портлаш содир этилди. Бунинг натижасида президент Ашраф Ғанининг президентлик учун сайловолди кампаниясидаги сафдоши яраланган ва 2 кишининг умрига зомин бўлган. Бу ҳақда Reuters агентлиги расмийларга таянган ҳолда хабар қилмоқда. 

Фото: REUTERS/Omar Sobhani

Толибон ҳаракати ва АҚШ дипломатлари ўртасида тинчлик музокаралари қайта тикланиши кутилаётган вақтда содир этилган ҳодиса учун жавобгарликни ҳеч ким зиммасига олмаган. 

Шу билан бирга, портлаш яна 25 фуқаронинг жароҳатланишига ҳам сабаб бўлган, деган ИИВ расмий вакили Nasrat Rahimi.

Фото: REUTERS/Omar Sobhani

Маълумотларга кўра, портлашдан зум ўтмай, қуролланган шахслар вице-президентликка номзод Амруллоҳ Солиҳнинг Afghan Green Trend Party биносини ўққа тутган. Солиҳ бинодан қутқарилгунча яраланган. 

Афғон ҳарбийлари бир қуролланган кишини ўлдирган, хабар эълон қилинган вақтда, афғон кучлари 4 қаватли бинода қолган яна икки киши билан курашаётган бўлган. 

Фото: REUTERS/Omar Sobhani
Фото: REUTERS/Omar Sobhani
Фото: REUTERS/Omar Sobhani
Top