Shimoliy Koreya Rossiya baliqchilik kemasini qo‘yib yubordi

KXDR hukumati Rossiyaning avvalroq ushlagan «Syanxaylin-8» baliqchilik kemasini qo‘yib yubordi, deb xabar bermoqda Rossiyaning Pxenyandagi elchixonasi Twitter sahifasida.

27 iyulda KXDR mulozimlari kema kapitaniga ekipaj a'zolarini qo‘yib yuborish rejasidan boxabar qilishgan va oradan 3,5 soat o‘tgach, «Syanxaylin-8» baliqchilik kemasi Vonsan shahri portidan Janubiy Koreya portiga tomon suzishni boshlagan. J.Koreyada ushbu davlatning ekipaj a'zolari bo‘lgan ikki fuqarosi qoladi, Keyin kema Rossiyaga qaytadi. 

Eslatib o‘tamiz, KXDR chegarachilari 16 iyuldan 17 iyulga o‘tar kechasi «Syanxaylin-8» baliqchilik kemasini 17 kishilik ekipaj a'zolari bilan birga ushlagan edi. Ularning 15 nafari Rossiya fuqarolaridir. KXDR chegarachilari kemani qirg‘oqdan 85 km uzoqlikda ushlagan. Kema harbiy qo‘riqlash hududini buzganlikda ayblangan. BMT dengiz huquqi, hududiy suvlar Konvensiyasiga muvofiq, sohildan 20 km masofa hududiy suvlar hisoblanadi.