Davlat departamentining bo‘lim boshlig‘i qo‘l ostidagi xodimlariga qo‘pollik qilgani uchun ishdan bo‘shatildi – OAV

AQSh davlat departamentining siyosatni rejalashtirish bo‘limi boshlig‘i Kiron Skinner qo‘l ostidagi xodimlariga qo‘pollik qilgani uchun lavozimidan bo‘shatildi, deb xabar berdi Politico.

Kiron Skinner  ushbu bo‘limni 2018 yil 1 sentyabrdan buyon boshqarib kelayotgandi.  

Nashr manbalarining so‘zlariga ko‘ra, xodimlar agar Skinner ishdan bo‘shatilmasa, o‘zlari ishdan ketishlarini aytishganidan so‘ng uni bo‘shatish to‘g‘risida qaror qabul qilingan. Gazeta va qator nashrlarning yozishicha, u xodimlariga muntazam ravishda baqirgan, qo‘pollik qilgan, haqoratlagan. Skinnerning bo‘limdagi bir yillik faoliyati davomida xodimlarning uchdan biri ishdan bo‘shab ketgan.