AQSh Maduroni ag‘darish uchun barcha usullardan foydalanishini ma'lum qildi

AQSh Venesuelada Nikolas Maduro hukmronligiga chek qo‘yish uchun barcha usullardan foydalanadi, deb ma'lum qildi Oq uy.

"Qo‘shma Shtatlar Venesuelada Maduro hokimiyatiga chek qo‘yish, Venesuela xalqining gumanitar yordamga erishishi va Venesuelada demokratik hokimiyatga o‘tish jarayonini ta'minlash uchun barcha vositalarni ishga soladi", - deyiladi Oq uy xabarida.

Venesuelada 21 yanvar kuni prezident Nikolas Maduroga qarshi ommaviy namoyishlar boshlandi. Milliy assambleya rahbari Xuan Guaydo o‘zini vaqtinchalik prezident deb e'lon qildi. AQSh boshchiligidagi qator davlatlar Guaydoni prezident deb tan oldi. Rossiya, Xitoy, Turkiya va boshqa davlatlar Maduroni qo‘llab-quvvatladi.