AQShda bolalar bog‘chasidagi yong‘inda 5 bola halok bo‘ldi
AQShning Eri shahridagi Harris Family Day xususiy bolalar bog‘chasida yuz bergan yong‘inda 5 bola halok bo‘ldi. Bu haqda CBC telekanali xabar berdi.
Ta'kidlanishicha, yong‘in haqidagi xabar 11 avgust tungi soat birlar atrofida kelib tushgan. O‘t o‘chiruvchilar voqea joyiga 4 daqiqada yetib borishgan, biroq bino alanga bilan to‘liq qamrab olingan bo‘lgan. 12 va 17 yoshli ikki bola omon qolishga muvaffaq bo‘lgan, ular tomga chiqib, u yerdan pastga sakrashgan. O‘t o‘chiruvchilar bog‘cha egasi va uning qo‘shnisini qutqarib qolishgan, jabrlanuvchilar shifoxonaga yetkazilgan.
The Washington Post nashri ma'lumotlariga ko‘ra, halok bo‘lgan bolalar 8 oylikdan 7 yoshgacha bo‘lgan. Yong‘in sababi aniqlashtirilmoqda, tergov boshlangan. Shahar ma'muriyatida ma'lum qilinishicha, bog‘chada faoliyat yuritish uchun barcha ruxsatnomalar bor bo‘lgan.
Mavzuga oid
22:37 / 28.09.2024
AQShda «Helen» to‘foni oqibatida 50 dan ortiq kishi halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024
“Mister va missis Ogorodnikoff”: AQShda ishlagan KGB josuslari qanday fosh qilingandi?
12:55 / 28.09.2024