АҚШнинг Эри шаҳридаги Harris Family Day хусусий болалар боғчасида юз берган ёнғинда 5 бола ҳалок бўлди. Бу ҳақда CBC телеканали хабар берди.
Таъкидланишича, ёнғин ҳақидаги хабар 11 август тунги соат бирлар атрофида келиб тушган. Ўт ўчирувчилар воқеа жойига 4 дақиқада етиб боришган, бироқ бино аланга билан тўлиқ қамраб олинган бўлган. 12 ва 17 ёшли икки бола омон қолишга муваффақ бўлган, улар томга чиқиб, у ердан пастга сакрашган. Ўт ўчирувчилар боғча эгаси ва унинг қўшнисини қутқариб қолишган, жабрланувчилар шифохонага етказилган.
The Washington Post нашри маълумотларига кўра, ҳалок бўлган болалар 8 ойликдан 7 ёшгача бўлган. Ёнғин сабаби аниқлаштирилмоқда, тергов бошланган. Шаҳар маъмуриятида маълум қилинишича, боғчада фаолият юритиш учун барча рухсатномалар бор бўлган.