12:56 / 23.08.2019
4318

«Lasetti»ga yashirilgan 60 million so‘mlik uyali telefonlar fosh etildi

Sifati kafolatlanmagan maishiy texnika buyumlarini mamlakatimiz chegaralaridan noqonuniy tarzda olib o‘tishga urinayotgan kimsalarga qarshi bojxonachilar tomonidan keskin kurash olib borilmoqda.

Foto: Davlat bojxona qo‘mitasi axborot xizmati

Xususan, Toshkent viloyati bojxona boshqarmasi “Bekobod” bojxona postidagi navbatdagi ustomonlik bojxonachilar tomonidan o‘z vaqtida fosh qilindi. Bu haqda Davlat bojxona qo‘mitasi axborot xizmati xabar bermoqda

Ya'ni fuqaro A.Sh. boshqaruvidagi “Lasetti” avtomashinasi belgilangan tartibda xolislar ishtirokida endoskop nazoratidan o‘tkazildi.

Natijada, avtomashinaning jihozlari orasiga ustomonlik bilan yashirilgan umumiy summasi salkam 60 million so‘mlik 49 dona uyali telefon apparatlari borligi aniqlandi.

Hozirda yuqoridagi holat yuzasidan bojxona tekshiruvlari davom ettirilmoqda.

Top