Qozog‘istonda velosipeddan yiqilib, reanimatsiyaga tushib qolgan o‘zbekistonlik Toshkentga olib kelinadi

O‘zbekiston fuqarosi X.B. 3 avgust kuni Qozog‘istonda velosipeddan yiqilib, og‘ir umurtqa-orqa miya jarohati bilan Olmaota shahar kasalxonasining reanimatsiya bo‘limiga yotqizilgan edi.

O‘zbekistonning Olmaotadagi bosh konsulxonasidan ma'lum qilishlaricha, uning sog‘ligi holatiga ijobiy o‘zgarish qayd etilishi boshlangan. «Kompleks muolajadan so‘ng mutaxassislar bemorni transportda olib ketish mumkin degan xulosaga keldi», — deya xabar bermoqda O‘zbekiston Tashqi ishlar vazirligi matbuot xizmati.

Hozirda Olmaotadagi bosh konsulxona O‘zbekiston Bandlik va mehnat munosabatlari vazirligi bilan birgalikda vatandoshni reanimobilda vrach nazorati ostida muolajani davom ettirish uchun Toshkent shahriga jo‘natish masalasini hal qilmoqda.