01:00 / 12.09.2019
0
20498

OAV Jon Bolton nima uchun iste'foga chiqarilganidan xabar topdi

Foto: whitehouse.gov

AQSh prezidentining milliy xavfsizlik bo‘yicha maslahatchisi Jon Bolton Eron borasidagi kelishmovchiliklar sababli o‘z lavozimidan bo‘shatilgan bo‘lishi mumkin. Bu haqda o‘z manbalariga iqtibos keltirgan holda Bloomberg axborot agentligi xabar berdi. 

OAV ma'lumotlariga ko‘ra, AQSh prezidenti Donald Tramp Tehronga qarshi kiritilgan sanksiyalarni yumshatishni taklif qilgan, biroq Bolton bunga qat'iy qarshi chiqqan. Trampni AQSh moliya vaziri Stiven Mnuchin qo‘llab-quvvatlagan. 

Nashrning eslatishicha, AQShda Tramp va Eron prezidenti Hasan Ruhoniyning sentyabrda Nyu-Yorkda o‘tadigan BMT Bosh assambleyasi yig‘ilishi doirasidagi uchrashuviga tayyorgarlik ketmoqda.

Bolton 10 sentyabrda iste'foga chiqarildi. U o‘z lavozimini 2018 yil aprelidan beri egallab kelayotgandi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top