17:00 / 13.09.2019
1
13292
Тошкент - Андижон поезди электр тармоғидаги носозлик туфайли тўхтаб қолди
Фото: ЎзА

Жорий йил 13 сентябрь куни соат 09:25да ташқи электр тармоғида юзага келган носозлик туфайли Тошкент – Андижон йўналишида ҳаракатланаётган №60-сонли йўловчи поезди Ангрен вокзалида 50 дақиқа тўхтаб қолган.

«Ўзтемирйўлйўловчи» АЖ хабарида айтилишича, кўрилган чора-тадбирлар туфайли юзага келган носозлик бартараф қилиниб, темир йўлга етказиб берилаётган энергия таъминоти тикланган. Айни дақиқада электропоездларнинг мунтазам ҳаракати йўлга қўйилган.

«Ўзтемирйўлйўловчи» маъмурияти юзага келган ноқулайлик туфайли йўловчилардан узр сўраган.

Эслатиб ўтамиз, 2016 йилнинг 27 август куни Тошкентдан Қамчиқ довони орқали Андижонга биринчи йўловчи поезди етиб борганди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top