Saudiya Arabistoni mudofaa vazirligi neft konlariga hujum qilishda qo‘llangan dronlar bo‘laklarini ko‘rsatdi. Buni Al Arabiya telekanali namoyish qildi.
Mudofaa vazirligi vakili Turki al-Malikiyning aytishicha, Eron hujumni Yamandan bo‘lgandek qilib ko‘rsatishga urinayotganiga qaramasdan, hujum u yerdan amalga oshirilmagan.
Turki al-Malikiyning ta'kidlashicha, hujum vaqtida shuningdek qanotli raketalar, umumiy hisobda 25 ta dron va raketa qo‘llangan. Dronlar yamanlik husiylar avval qo‘llagan dronlardan farq qiladi. Al-Malikiyning qo‘shimcha qilishicha, hujumlar vaqtida Eronning Delta Wing UAV dronlari qo‘llangan.