20:37 / 18.10.2019
0
6636
Афғонистонда масжиддаги портлашлар қурбонлари сони 62 нафаргача ошди 

Афғонистоннинг Нангарҳор вилоятидаги масжид биносида жума намози вақтида юз берган портлашда ҳалок бўлганлар сони 62 нафаргача ошди.

Бу ҳақда Tolo News телеканали хабар берди.   

Шунингдек, 60 киши яраланган. Аввалроқ портлашда 17 киши, кейинроқ эса 31 киши ҳалок бўлгани маълум қилинганди. 

“Пажвак” агентлиги Хаска Мино туманидаги масжид биносига жума намози вақтида ракеталар келиб урилганлиги ҳақида хабар қилганди.

“Камида иккита портлаш юз берган, оқибатда масжид томи ўпирилган, кўплаб одамлар ҳалок бўлган ва яраланган”, деб маълум қилган вилоят кенгаши раиси Аҳмад Али журналистларга.

Айни вақтда мамлакатда ҳаракат қилувчи экстремистик гуруҳлардан бирортаси ушбу ҳужум учун жавобгарликни ўз зиммасига олмаган. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top