19:04 / 21.10.2019
0
2046
Маиший техника буюмларини яширин йўллар билан олиб киришга бўлган уриниш бартараф этилди

Божхона органлари томонидан товар-моддий бойликларини яширин йўллар билан олиб ўтилишига қарши кескин кураш олиб борилмоқда.

Хусусан, Сирдарё вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан божхона қонунчилигини бузишга уринган қинғир ниятли кимса фош қилинди. Бу ҳақда Давлат божхона қўмитаси ахборот хизмати хабар бермоқда

“Ховособод” чегара божхона пости орқали қўшни мамлакатдан юртимизга кириб келган фуқаро М.М. божхоначилар эътиборини тортди ва белгиланган тартибда божхона назоратидан ўтказилди.

Натижада, ушбу шахс умумий қиймати 49 миллион сўмлик 14 дона ноутбукларни божхона тўловларини тўламаслик мақсадида ушбу пост орқали ҳаракатланган бошқа фуқаролар кўмагида ноқонуний тарзда олиб ўтмоқчи бўлганлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top