O‘zbekiston milliy jamoasining o‘yinlariga qancha tomoshabin yig‘ilayotgani ma'lum bo‘ldi

JCh-2022 ikkinchi saralash bosqichi doirasidagi O‘zbekiston milliy jamoasining uy uchrashuvlarida qancha muxlis tashrif buyurayotganligi ma'lum bo‘ldi.

OFK rasmiy sayti ma'lumotlariga binoan, Vadim Abramov boshchiligidagi milliy jamoamizning Toshkentdagi dastlabki uchrashuvi O‘zbekiston – Yaman bahsida «Paxtakor» stadionida 28 571 muxlis kelgan bo‘lsa, 5-tur doirasidagi O‘zbekiston – Saudiya Arabistoni o‘yinida eng ko‘p – 31 524 nafar tomoshabin yig‘ilgan.

O‘z maydonimizda o‘tgan saralash bosqichidagi bu yilgi eng kam tomoshabinlar tashrifi 19 noyabr kungi O‘zbekiston – Falastin (2:0) uchrashuvida qayd etildi. Shu kuni Toshkentdagi arenada 19 143 nafar tomoshabin yig‘ilgan.