20:50 / 05.12.2019
0
9282
Лукашенко унинг буйруғи билан 30 дан кўпроқ жиноий тўда йўқ қилингани ҳақида сўзлаб берди
Фото: AP

Беларусь президенти Александр Лукашенко 1990-йилларда унинг талаби билан бир йил ичида 30 дан кўпроқ жиноий тўда йўқ қилингани ҳақида сўзлаб берди. Президентнинг сўзларини  “СБ. Беларусь сегодня” нашри келтириб ўтди.

“Халқни, давлатни қутқариш ва тартиб ўрнатиш керак эди. Биз жиноий тўдаларни йўқ қилиб, уни ўрнатдик. Менга мерос бўлиб қолган ички ишлар вазирлигининг баъзи раҳбарлари ва бошқалар Минскдаги жиноий тўдаларни йўқ қилишни талаб қилганимда питирлаб қолгани ҳанузгача эсимда. Бундай тўдалардан 32 та бор эди, ҳанузгача ёдимда. Биз уларни бир йил ичида йўқ қила олгандик”, деб эслаб ўтган ўша воқеаларни Лукашенко депутатлар олдидаги нутқида. 

Лукашенко ўз нутқида 1990-йиллар бошида жиноятчиликнинг авж олиши Беларусни ҳам қамраб олганини эслатиб ўтган. “Москва-Брест йўли ва Берлингача йўлдан бемалол ўтиб бўлмасди. Жиноятчилар, авваламбор шарқдан бўлганлари, Смоленскдан Брестгача машиналарни тўхтатган, одамларни отиб ташлаган, бу одамлар олиб кетаётган барча нарсани улардан тортиб олган. Шундай шароитларда давлатни қуришимизга тўғри келган”, деб таъкидлаб ўтган Беларусь президенти.

Ушбу хабарга фикрингизни билдиринг. Бунинг учун авторизациядан ўтишингиз керак!
Top