Toshkentda ikkita ko‘cha 10 yanvarga qadar yopildi

Toshkent shahrida yangi yilga tayyorgarlik va bayram tadbirlarini tashkil qilish ishlari bilan bog‘liq ishlar sabab qator ko‘chalar yopildi.

Poytaxt hokimligi xabariga ko‘ra, 2019 yil 13 dekabr kuni soat 08:00 dan 2020 yil 10 yanvar kuniga qadar quyidagi yo‘llarda harakatlanish to‘xtatiladi:

Istiqlol ko‘chasining Amir Temur shoh ko‘chasidan Buyuk Turon ko‘chasigacha bo‘lgan qismi;

Zarafshon ko‘chasining Mustaqillik shoh ko‘chasidan Istiqlol ko‘chasigacha bo‘lgan qismi.

Keltirilgan noqulaylik uchun uzr so‘ralgan.