11:10 / 15.12.2019
1
45238
АҚШ одамни бир соатда Ернинг исталган нуқтасига етказувчи технологияга эга - истеъфодаги генерал
Фото: The Drive

Америкалик истеъфодаги генерал-лейтенант Стивен Кваст Хиллсдейл коллежидаги нутқи вақтида АҚШ одамни Ернинг исталган нуқтасига бир соат ичида етказувчи технологияга эгалигини айтди. Сан-Антониодаги базада авиация қўмондонлигининг раҳбари бўлган Квастнинг бу сўзларига The Drive нашри эътибор қаратди.

“Бу технология бугуноқ яратилиши мумкин. У исталган одамни Ернинг исталган нуқтасига бир соат ичида етказиш имконини беради”, деб айтган генерал.

Бироқ собиқ ҳарбий ушбу технология қандай ишлашига ойдинлик киритмаган.

Нашрнинг таъкидлашича, генералнинг бу баёноти бошқа америкалик ҳарбийларнинг баъзи тушунарсиз ҳодисалар мавжудлиги ҳақидаги баёнотлари ортида янграган. 

Кваст жорий сентябрда истеъфога кетган. Нашрнинг таъкидлашича, бунга собиқ ҳарбийнинг коинот технологияси масалалари бўйича айтганлари сабаб бўлган бўлиши мумкин.

2018 йил апрелда SpaceX компанияси президенти  Гвинн Шотвелл Big Falcon Rocket (BFR) транспорт тизими яқин келажакда ишлай бошлаши ва у одамни бир соатдан камроқ вақт ичида сайёрамизнинг исталган нуқтасига етказа олишини маълум қилганди. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top